Mimila (Closed)

一直都好想再食蝦湯摻摻，午餐約左朋友食mimila，幾快就可以入座。今日叫咗 喇沙蝦湯配美國牛肉，default麵食係摻摻，野飲跟凍mimila奶茶。本來仲想叫上次試過嘅 去骨菠蘿雞中翼，但今日暫停供應就作罷了。喇沙蝦湯 光睇賣相就覺得材料非常豐富，湯裡面蝦嘅味道好濃郁，豆卜索晒啲蝦湯，令到每啖都有滿滿嘅蝦湯味。芽菜爽脆，另外摻摻入面油麵同米粉嘅比例剛剛好，軟硬口感唔錯，份量好多。魚片都好彈牙，仲有半隻雞蛋送麵。蝦已經有剝殻方便食用，不過蝦肉有少少老，但唔影響整體味道。另一樣驚喜係肥牛份量非常多，味道都好夾蝦湯。另外仲會有炸蒜附上 令成碗摻摻嘅口感更豐富。奶茶唔算太甜，幾好飲。雖然呢碗摻摻百𡃁蚊有少少貴，但呢個商場嘅食肆入面比較黎講其實價錢尚算合理，而且食物都真材實料，都物有所值。