Awfully Chocolate (Closed)

上星期出旺角，經朗豪坊，發現人流不斷，原來有優惠，怪唔得咁大排長龍啦，好彩條龍都快散，所以同朋友快快去睇下咩優惠。買一送一，超正超吸引。向店員查詢後，得知只有ice blended chocolate做買一送一優惠。口味有5款，而且一定要同口味的。另外，加$30可以多一件甜品，包捨相中的朱古力蛋糕，白朱古力焦糖燉蛋，朱古力cupcake，brownie ，朱古力撻。我地揀左60%cacao口味的ice blended chocolate。影完相打完卡就立即飲，夠凍而冇碎冰，所以味道冇變淡。飲落超濃郁朱古力，唔會太甜，打到有點泡沫好輕盈，但最後飲哂成杯係有少少膩。好彩冇點埋甜品，因為飲品太濃朱古力味，如果甜品都係，味道會撞，食品出合分別。不過加$30就有甜品都好抵，所以我後悔應該外帶走。