九州鯛魚 (Closed)

今日天氣都唔錯，周圍出走行下，走左去石澳沙灘慢步，不過因為太凍既關係，所以好快就走返出去筲箕灣行街街，慢慢行行下開始肚餓仔，去到西灣河見到好出奇既太安樓，聽就聽得多啦，不過今次真係第一次黎到，咁當然要搵下野食啦。走下走下，發現左一間日本餐廳，門面又大又靚，所以俾佢吸引左入去！入到去唔洗等位，可能冇咩人夠膽出街食飯既關係？不過已經嗅到好大陣魚味，好香！搞到勁肚餓啦，快Ｄ叫野食啦～－波士頓龍蝦鯛魚湯烏冬－原來魚味咁重係因為呢到最出名鯛魚湯，我叫左全場最大張圖個份，原隻龍蝦，真係原隻！勁大隻！下面仲會熱住，等我有時間食龍蝦，烏冬都仲係熱，真係好細心，不過我都係忍唔住食左烏冬先，真係因為好香，烏冬超彈牙，又滑！鯛魚湯勁濃郁，魚味又重又香，勁好味！最後慢慢食龍蝦，超鮮甜，肉質爽口，膏多，肉多，真係材料豐富！－北海道咖哩手打和牛漢堡－日本咖哩最出名就係好濃郁咖哩味，但唔辣，甜甜地，同其他地方既咖哩非常之唔同，呢間日本餐廳一樣做得到，咖哩味非常濃，甜甜地，配飯非常岩，手打和牛漢堡又大又厚，好正呀！和牛肉汁豐富，濃郁，每一啖都有肉汁流出！