一品螞蟻 (Closed)

午飯時間經過呢度，朋友提議去快食個午餐然後趕返工，所以就但求就手吧！一向鍾意食海南雞飯嘅我見到呢度都有，所以就點左黎試吓，有去骨海南雞、有上湯、有雞油飯仲有經典醬汁，賣相似模似樣！去骨嘅雞肉相當之嫩滑，帶有少少鹹味，而醬汁方面個黑醬油味道好特別，辣醬可以再辣少少會更加完美，雞油飯好香份量好多，應該可以兩個人share食，上湯用咗冬瓜熬成，好清甜！成件事我好滿意😍朋友點咗焗豬軟骨飯，製作需時，不過出嚟嘅效果佢好滿意，因為焗過既豬軟骨表面脆卜卜好香口，軟骨位亦炆得淋，肉質鬆軟，醬汁亦都好惹味又好送飯！埋單大約$150，商場內的午市套餐來說算是不過不失吧！