Video
Read full review
2017-05-23
1693 views
每一個星期都會喺旺角食一次飯，今次又去到「旺角兆萬」試吓第二間放題。見到咁平，星期一至四八點後$198一位，仲要任食兩個鐘，真係乜都抵哂呀！上到去已經差唔多滿晒座，好彩我哋早幾步姐，入面已經有好多人，過咗幾分鐘之後出面已經有好多人喺度等位。坐低左之後，望望下原來有個升級Menu，每位只係加＄50，就可以食到佢啲升級食物，特別係有生蠔、羊架、海鮮燉湯同埋珍寶蝦刺身等等，正呀！😍大部份都係我至愛，仲要係貴價食物，所以我哋兩個齊齊升級體驗。首先嚟咗個「八幡一品海鮮燉湯」同埋「日式燉蛋」，店員將食物放落張枱，我哋已經聞到好香，好似花膠湯既味道，行咗咁耐街，梗係首先要飲咗碗湯潤下喉嚨先，飲飲下真係飲到幾塊細細塊嘅「花膠」啊👀😱，真係花膠啊！仲要有一條好好食嘅半肥瘦肉，肉條燉到好林，仲要係好入味啊啲湯，飲得出用咗好多材料燉出嚟嘅湯，另外入面仲有少少冬菇，成碗燉湯好滋潤！所以我哋決定再encore多兩碗，既可以補靚樣又補身，正。😋此外「升級體驗」嘅食物質素真係非常好，樣樣都好食，首先就係三款唔同嘅刺身，分別有「油甘魚」、「珍寶帶子」同埋「赤蝦」，刺身非常新鮮，冇腥味，而且望落去好乾淨，絕對係可以放心
上到去已經差唔多滿晒座，好彩我哋早幾步姐，入面已經有好多人，過咗幾分鐘之後出面已經有好多人喺度等位。
坐低左之後，望望下原來有個升級Menu，每位只係加＄50，就可以食到佢啲升級食物，特別係有生蠔、羊架、海鮮燉湯同埋珍寶蝦刺身等等，正呀！😍大部份都係我至愛，仲要係貴價食物，所以我哋兩個齊齊升級體驗。
首先嚟咗個「八幡一品海鮮燉湯」同埋「日式燉蛋」，店員將食物放落張枱，我哋已經聞到好香，好似花膠湯既味道，行咗咁耐街，梗係首先要飲咗碗湯潤下喉嚨先，飲飲下真係飲到幾塊細細塊嘅「花膠」啊👀😱，真係花膠啊！仲要有一條好好食嘅半肥瘦肉，肉條燉到好林，仲要係好入味啊啲湯，飲得出用咗好多材料燉出嚟嘅湯，另外入面仲有少少冬菇，成碗燉湯好滋潤！所以我哋決定再encore多兩碗，既可以補靚樣又補身，正。😋
此外「升級體驗」嘅食物質素真係非常好，樣樣都好食，首先就係三款唔同嘅刺身，分別有「油甘魚」、「珍寶帶子」同埋「赤蝦」，刺身非常新鮮，冇腥味，而且望落去好乾淨，絕對係可以放心食，而且好鮮甜，值得再encore！
而味醂燒河豚乾非常脆口，點埋沙律醬仲更滋味！
仲有最正就係羊架，真係不得不試呀！羊架好大塊，而且肉質滑嫩，唔使好似食出面啲羊架咁，咬落去要址啲肉出來咁架，反而呢度嘅羊架一咬就咬到，而且好多牧然粉係上面，食落去更加香口啊，仲要冇「so」味，必食！
「鹽燒油甘魚頭」賣相好吸引，食落口好好味，但係我覺得食呢個有橋妙，一定要肉連埋皮食，因為佢香口嘅精華喺晒塊皮度，兩者mix埋食先正，又係骨膠原豐富，養顏食物之一！
食完啲升級體驗食物，就開始叫主菜既放題食物啦，一共有九款「A-I」食物可以任叫，分別有壽司、刺身、卷物、天婦羅、小食、前菜、一品料理、燒物、甜品等，而且每一類食物都有6-10種選擇，都幾多款式。
首先刺身方面，食咗啲升級體驗刺身，以為任食刺身好普通，點知都係一樣咁鮮甜，推介三文魚同埋甜蝦刺身！
壽司方面，推介「火炙系列」，特別係「火炙沙律醬松葉蟹棒壽司」，同埋「火炙胡麻三文魚壽司」，佢燒到啲醬入晒刺身入面，所以變咗成舊壽司食落口就好惹味。緊記！要係成舊擺落口先夠滋味，而且又有口感，正！
手卷我哋叫咗個海膽手卷，望落去海膽鮮橙黃色，睇落去都好新鮮，點知食落口又真係幾鮮甜。
前菜嘅胡麻豆腐，好似百福豆腐咁滑呀，不過份量就比較少，所以我起碼Encore左三次啊。
燒物方面不得不推介燒煆同埋牛舌，蝦燒得好香，連殻上面都有燒烤味道，再加埋少少鹽，用口「莫」黎食仲滋味呀，因為本身肉質彈牙，再加埋殻上面少少調味料，混合黎食好好味。另外仲有芝麻雞翼，塊皮都係炸得好香好入味，仲有好多芝麻係上面，皮果然係精華所在，香到連「減肥」呢兩個字都唔記得咗啦，哈哈，真係忍唔到口。
食咗咁多肉，都係要叫返啲菜嚟食，估唔到啲菜都有水準，仲要係咬落去好爽，烹調時間啱啱好，唔會煮到好「梅」，果然一流既食物。
另外其他食物都唔錯，「蟹粥」仲要好大煲，入面真係成隻蟹架！仲要有啲蛋花係個粥入面，真係好足料。
甜品都有六款選擇，除咗呢六款出面電梯門口都有雪糕任揀，而且有幾款口味，仲有我至愛嘅雪米糍。而特別推介要食「十勝紅豆牛奶布甸」，好重奶味，而且好滑，食咗兩個添！好滿足🤗。
兩個埋單都係$600都唔使，就可以食到咁多款唔同類別嘅食物，下次一定會再光臨！今餐真係好滿足😬
Post
