醉辣鮮 (新田購物城) (Moved) New Location

元朗條新單車徑開咗 我就約埋一班朋友又元朗踩單車去上水 踩到一半經過新田購物城有啲肚餓 就入咗去呢間叫做醉辣鮮嘅蒸氣海鮮餐廳度食飯啦餐廳有室內有戶外 呢啲天氣坐外面涼涼地就啱曬 店家仲好細心咁準備咗蚊怕水畀顧客使用添入面有好多個魚缸入面裝住新鮮嘅活龍蝦 海蝦 鮑魚等等 蔬菜 有金菇 冬菇 翠玉瓜 蕃薯 粟米等等 全部任食自己夾椰子燉雞湯 無味精好有媽媽嘅味道 非常足料日式溫泉蛋 時間掌握得啱啱好 蛋黃係半流心狀態 配埋日式醬油 唔錯叫咗個海鮮餐入面已經包括 鮑魚 蟶子 扇貝 鮮蝦 生蠔 同埋勁大份嘅沙白蜆等等全部都超級新鮮鮮味十足尤其是隻鮑魚仲識郁郁下另外加錢叫咗隻蟹肉質有咬口 鮮味十足食完海鮮都已經十分滿足 可以食埋下面嘅粥底 吸收曬所有海鮮嘅精華 超級鮮味 加埋南瓜芋頭等嘅配料口感更豐富最後最後仲有腐竹糖水 飽到捧住個肚走