大丸和風食堂 (Closed)

好耐都冇出過旺角，竟然朋友都係咁話，就決定今晚黎旺角搵食。黎到女人街，搵到呢間大丸和風食堂，睇食評唔錯，就入黎試下。坐底見到menu都真係幾大眾化，睇落都價錢ok,唔會好貴。黎到份量都幾多㖭。呢個火炙三色卷，有吞拿，帶子，同三文，真係幾好食，咁多件仲要有三種刺身，真係好抵食。鰻魚炒飯一向都好鍾意食。 鰻魚粒都算多，仲有粒粒洋蔥好香口，而且佢炒得幾均勻。唔錯。牛肉壽喜鍋，勁多牛肉同菜，好豐富呀。 仲有大隻蛋係面。個鍋黎到仲好熱，所以係睇住啲肉熟，感覺正。肉唔會煮得太老。吉列黑豚，可以用黎配埋炒飯，一流。 而且佢粉醬唔太厚，又冇咩肥，炸得好好味。最後仲叫埋明太子釀雞翼，大大隻爆多涵，而且仲唔覺熱氣，真係幾出色。今晚真係食得又滿足又開心。