Wingman (Closed)

雞翼放題，要首先俾like老闆，諗到雞翼放題，真係幾特別，仲要多款口味，包你味雷夠哂享受，畀你任食雞翼， 身為雞翼控嘅我梗係要試下， 早排同事黎食過都話唔錯， 咁我又去睇下有幾唔錯先。首先係食物， 我揀咗90分鐘雞翼放題， 有19種口味選擇， 可以先嗌住六款唔夠再落order。六款雞翼有：黑椒檸檬印度唐杜里烤雞蒙古燒烤味醉雞泰式甜辣醬黑芝麻海鮮蜂蜜每款各有四隻黑椒檸檬係自己再加檸檬汁唐杜里烤雞係乾身款雞翼蒙古燒烤味雞翼好有bbq風味，愛辣人士揀佢就真係好正醉雞係濕身款雞翼， 係碗上的， 湯底濃郁泰式甜辣醬係咁多款我最鍾意食嘅， 食咗一啖已經愛上了， 甜甜地又易入口黑芝麻海鮮蜂蜜勁多黑芝麻在面，好香濃，蜂蜜甜又易入口，都係十分推介的。兩位店員服務超好，有禮貌又有笑容，一叫即到，仲講得好清楚放題包括左啲咩，枱面仲備有手套同濕紙巾方便食雞翼用，好細心。環境好乾淨同坐得好舒服，同事介紹完我去，我都會再介紹朋友去，真心推介！