Video
Read full review
2020-01-24
4029 views
• 12 Courses Tasting Menu •💵Price: $1180🍴Food: 0/5🚫-大大大中伏既一間餐廳！食過咁多日本餐廳都未試過一間係貴得黎咁伏😨成餐飯都食得好嬲，原價千幾蚊既套餐，竟然比圖中爭鮮質素既刺身我，唔新鮮到一個點⋯唔係好知自己食緊乜😐然後中間個塊同我講話係熟成拖羅⋯？真係當我未食過拖羅咩？🥴🥴🥴質地勁散係劣質呑拿魚既質素😑我朋友一路食一路話驚肚痛⋯⋯然後仲有個dish係海膽豆紙壽司，個海膽完全係假海膽黎，無味道既，然後佢話係蒸海膽⋯⋯但如果啲海膽係新鮮靚既話好地地點解要蒸海膽⋯？個餐最後折左都成六百蚊一個人，你話你sell創意但係咪要比呢啲質素既野個客人食⋯？呢個價錢我普通去間正正常常既日本餐廳我at least食到新鮮好食既魚生囉⋯⋯🤯最搞笑係有個dish係魚子香檳，聽落好high class好靚，點知所謂魚子係海藻魚子，都算喇我當係gimmick野，然後個香檳竟然只係七喜🙃🙃又係一個聽落有新意但比hea料既dish🤷🏻♀️仲有啲咩天婦羅蝦配糯米飯、辣三文魚米通我都唔想提喇，隻蝦炸完都咁瘦弱都知未炸之前只係甜蝦size，上面啲炸粉仲厚過林鄭塊面皮。辣
💵Price: $1180
🍴Food: 0/5🚫
-
大大大中伏既一間餐廳！食過咁多日本餐廳都未試過一間係貴得黎咁伏😨成餐飯都食得好嬲，原價千幾蚊既套餐，竟然比圖中爭鮮質素既刺身我，唔新鮮到一個點⋯唔係好知自己食緊乜😐然後中間個塊同我講話係熟成拖羅⋯？真係當我未食過拖羅咩？🥴🥴🥴質地勁散係劣質呑拿魚既質素😑我朋友一路食一路話驚肚痛⋯⋯
然後仲有個dish係海膽豆紙壽司，個海膽完全係假海膽黎，無味道既，然後佢話係蒸海膽⋯⋯但如果啲海膽係新鮮靚既話好地地點解要蒸海膽⋯？個餐最後折左都成六百蚊一個人，你話你sell創意但係咪要比呢啲質素既野個客人食⋯？呢個價錢我普通去間正正常常既日本餐廳我at least食到新鮮好食既魚生囉⋯⋯🤯
最搞笑係有個dish係魚子香檳，聽落好high class好靚，點知所謂魚子係海藻魚子，都算喇我當係gimmick野，然後個香檳竟然只係七喜🙃🙃又係一個聽落有新意但比hea料既dish🤷🏻♀️
仲有啲咩天婦羅蝦配糯米飯、辣三文魚米通我都唔想提喇，隻蝦炸完都咁瘦弱都知未炸之前只係甜蝦size，上面啲炸粉仲厚過林鄭塊面皮。辣味三文魚有無覺得好熟口面？係阿咪係元氣平價軍艦個啲囉，又係啲唔新鮮既魚生撈濃味野比人食。其實有無正常野食到？真心講我淨係覺得個報紙雞叫特別得黎唔難食。
最後我想講比得呢個價錢，我真心無食到一樣食材係對得住呢個價錢既，然後openrice竟然有咁多好評？真係um住良心先讚得落喎😨或者呢間餐廳早幾個月真係質素唔差，我都食過有餐廳開頭大件夾抵食但過多幾個月就hea哂，但都唔係咁離譜囉！真係未試過食餐飯食到咁嬲！完！🤬
Post
