京都鐡板居酒屋 (Closed)

考完試同好朋友去食鐡板燒慶祝一下🤓揀左地點方便的尖沙咀京都鐡板居酒屋，佢地做緊超級夏日感謝祭，午市三折優惠🤤每位$324食到鐵板燒席前料理十四品，真係性價比極高‼️好好彩早幾日打去lunch仲有位，大家記得要一定要book位！餐廳有幾個吧檯area，可以坐正係鐵板前睇住師傅整野食。🔸前菜、季節沙律🥗時令刺身三品🍣先來基本的前菜香有滑茶碗蒸、季節沙律、仲有時令刺身三品盛盒，分別有帶子、牡丹蝦、油甘魚，食落鮮甜十分新鮮👏🔸沙巴原隻野生海虎蝦🦐之後就黎戲肉，首先有沙巴原隻野生海虎蝦，隻隻都好大隻。由於我地吧檯8位都坐滿，師傅都會一次過整晒，一字排開8隻大虎蝦。師傅落左啲牛油煎，煎得好香，蝦肉好爽彈，食落啖啖肉。🔸南非活鮑魚配日式XO脆脆醬活飽魚好生猛，仲係咁郁🤪個個都要影相打卡📸鮑魚切粒，口感彈牙，配上XO脆脆醬好惹味，好好食😽🔸法式鵝肝配紅酒黑醋一大塊鵝肝煎到表面焦香，逼晒啲鵝油出黎🤤配上酸甜紅酒黑醋，食落無咁油膩，邪惡得黎又滋味😙🔸美國頂級牛肉厚燒／日本鹿兒島黑豚肉🐮🐷要左牛或豬各一，如果想高級啲就另外可以加錢轉日本A5宮崎和牛薄燒/厚燒，質素都ok，份量剛好。🔸京都特色炒飯炒飯都幾出色，