雪糕達人 (Moved) New Location

真係好耐冇見過啲咁抵嘅雪糕啦。估唔到喺西九會有價錢如此平民，但質素咁高嘅雪糕。呢度係5球雪糕，配個窩夫筒，但價錢只係……只係……只係要$20咋！！真係平到冇朋友。淨係睇外觀已經贏咗。插一塊oreo俾你，上面再放咁多朱古力針同朱古力醬，仲有一片仔嘅薄荷葉，靚爆啊！5球雪糕，分別係：曲奇、士多啤梨、荔枝、朱古力同椰子。味道方面奶味都比較重，但係都食到每隻味應有嘅味道。我覺得朱古力真係比較濃。其他都屬於正常水平。窩夫筒都係脆嘅，唔會淋。整體都唔錯！呢個價錢，咁嘅質素，cp值太高了！！