柴灣東區醫院職員飯堂

Open Now

Now Closed

去過香港咁多間醫院入邊嘅醫院餐廳食飯，東區醫院嘅飯堂可以話係數一數二，除咗嘢食款式多之外，質素亦都好，性價比好高。呢度可以食到即叫即炒嘅炒粉麵飯，亦都有雙餸飯，佢哋咖喱飯亦都值得一試，尤其是咖喱牛腩飯。不過佢每日嘅菜式都會有變，以咖喱嚟講，有時可能係咖喱雞，魚，牛肉，所以未必一定撞到想食嘅菜式。餐廳嘅範圍好大，超級無敵多位可以坐，望出去亦都算有啲景可以睇吓，真係算係有啲享受。如果係職員嘅話仲可以享受埋優惠，真係超級抵。