群記爽腩店 (Closed)

平時都好鍾意食牛腩麵,所以都會發掘唔同嘅牛腩麵店。今日介紹嘅呢一間牛腩麵,本人覺得好食之餘仲十分抵食。當日叫左個崩沙腩河，只係三十蚊！係灣仔地段揾到一碗三十蚊既牛腩河真係奇蹟！重點係，雖然佢係平，但俾既食物真材實料。碗面有大約四五塊牛肉，牛肉煮得淋身，亦都非常入味，爽脆又濃郁。至於湯底方面，清甜可口，飲左大半碗都無口渴！至於我不嬲食粉麵都中意加辣椒油，大家對佢既辣椒油就別抱太大期望，因為辣椒油炒得不夠香，所以味道麻麻。只能說咁既價錢有咁既質素，真係嗌街坊。