KATANA by SAKEH (Closed)

Lunch hour嚟咗中環搵好嘢食，今次就發掘左呢一間非常之抵食又高級嘅日本居酒屋，餐廳叫做KATANA by SAKEH。見到佢哋嘅Menu Lunch Set非常之抵食，仲會附上前菜、湯同埋甜品。今次同朋友分別要咗兩款唔同嘅款式，兩款都相當滿意🥰🥰網燒SRF和牛小排定食朋友選擇嘅呢個和牛小排定食賣相好吸引，牛小排嘅份量都幾多，而且有粉嫩嘅顏色，朋友話食落牛肉好嫩，牛肉嘅味道都好濃郁，係相當唔錯嘅牛小排。🥰三色冷麵配大蝦天婦羅我嘅呢款就非常之有日本風味，擺盤十分之精緻，有三款唔同顏色嘅冷麵，配上冷麵汁清新又好味🤤仲配左我好鍾意食嘅大蝦天婦羅，香脆可口嘅口感，仲要一啲都唔會太油膩。