金鶴拉麵 (荷李活道) (Closed)

成日經過中環都見到金鶴拉面，今次周末決左佢去試下。直接walk-in就得，星期日中午都唔係好多人。最出名係雞白湯拉面，所以我就叫左一個。而朋友就叫左期間限定嘅北海道極濃蟹湯拉面。加20蚊就有埋小食同飲品。我就叫左個餃子，朋友就叫左炸雞。另外飲品就係罐裝汽水。大約160蚊連加一先講下個雞湯，顏色呈現奶白色，但係唔會渾濁,十分濃郁。而拉面會跟上一塊叉燒同埋白雞肉，加埋拉面一流。至於朋友個蟹肉拉麵我都試咗一試，蟹味鮮甜，少有拉面會用上蟹肉湯，佢地湯底濃郁比較結身，再加上一大塊蟹肉，真係令人垂涎