波士頓餐廳

Open Now

Now Closed

超級難食既餐廳，大快活大家樂早餐件扒好食過佢1000倍。左上牛扒完全過咸，扒本身都已經腌到冇曬牛味牛既肉感都冇曬，唔使咁咸啦師傅，汁又得個死咸，想賺到盡用最垃圾既牛扒唔係問題，用合成肉都冇問題，你做得好我照比番同樣價錢冇所謂，但今時今日咁多科技味道，你都做到呢個出品你切腹啦，薯條唔講，主食煮到咁樣樣你覺得佢比咩質素伴菜你食，你比你個仔食都虐兒啦。左下牛尾你估好好多，一樣咁垃圾，牛尾唔入味煮唔淋，唔識煮唔好寫廚師推薦啦，你煮到咁侮辱左廚師兩隻字。落樓268大元灣仔268食晚餐唔係多錢，但如果食咁樣質素268就不如行1分鐘去最近茶記都10000%高水平過佢，唔係真係附近茶記好好食，係呢間野太難食冇對手。