Video
Read full review
2019-10-13
64 views
有無聽過日本有一種傳統美食，叫做釜飯？釜飯 - 乃日本一種傳統鍋飯，簡單講即係日本人嘅煲仔飯。將米、高湯、所有食材放進鍋中，猛火加細火慢煮，直到沒有水蒸氣飄出時，再蓋上木蓋以真空原理再煮10多分鐘。蕃薯妹熱愛日本美食，但卻從來未食過釜飯。今次放假約咗朋友去淘大商場睇戲，終於可以一嘗呢個日本傳統美食😋😋釜の魂響淘大商場三期嘅入口，戲院附近，大門有個大大個金色招牌，非常搶眼，位置一啲都唔難搵。入到店內，座位舒適，日光可以透過門口照射進店內，感覺好舒服。一坐低，店員就攞花生同埋麵豉湯俾我地飲。即刻趁熱飲咗先😋好味道，足料但又唔會好咸同埋唔會太濃。睇吓呢度嘅餐牌，可以選擇嘅款式唔算多，不過樣樣都幾吸引😍下午茶時段比起午餐時段抵食，而且問過店員份量係一樣咖👍🏻金魂釜飯 - 午市$98/下午茶$78即係鰻魚飯~~一擺上枱已經好吸引😍😍啲鰻魚望落已經覺得好厚好肥美，食落就真正知道正，咬落去軟硬適中，好juicy嘅感覺，好好味，而且個鐵砵仲熱住啲飯，慢慢食都唔怕凍哂。鐘意食醬汁撈飯嘅朋友，呢度嘅鰻魚汁可以任加咖！而且店員真係一啲都唔孤寒，幫我添咗勁多汁，啱哂我👍🏻👍🏻香蔥汁炸雞脾肉配釜飯 - 午市$5
釜飯 - 乃日本一種傳統鍋飯，簡單講即係日本人嘅煲仔飯。將米、高湯、所有食材放進鍋中，猛火加細火慢煮，直到沒有水蒸氣飄出時，再蓋上木蓋以真空原理再煮10多分鐘。
蕃薯妹熱愛日本美食，但卻從來未食過釜飯。
今次放假約咗朋友去淘大商場睇戲，終於可以一嘗呢個日本傳統美食😋😋
釜の魂響淘大商場三期嘅入口，戲院附近，大門有個大大個金色招牌，非常搶眼，位置一啲都唔難搵。
入到店內，座位舒適，日光可以透過門口照射進店內，感覺好舒服。
麵豉湯+花生
15 views
0 likes
0 comments
一坐低，店員就攞花生同埋麵豉湯俾我地飲。
即刻趁熱飲咗先😋好味道，足料但又唔會好咸同埋唔會太濃。
睇吓呢度嘅餐牌，可以選擇嘅款式唔算多，不過樣樣都幾吸引😍
下午茶時段比起午餐時段抵食，而且問過店員份量係一樣咖👍🏻
金魂釜飯 - 午市$98/下午茶$78
即係鰻魚飯~~一擺上枱已經好吸引😍😍啲鰻魚望落已經覺得好厚好肥美，食落就真正知道正，咬落去軟硬適中，好juicy嘅感覺，好好味，而且個鐵砵仲熱住啲飯，慢慢食都唔怕凍哂。
鐘意食醬汁撈飯嘅朋友，呢度嘅鰻魚汁可以任加咖！而且店員真係一啲都唔孤寒，幫我添咗勁多汁，啱哂我👍🏻👍🏻
香蔥汁炸雞脾肉配釜飯 - 午市$58/下午茶$48
開頭以為只係普普通通炸雞飯，望清楚原來有秘制醬汁嘅，好香嘅蔥油味。
就咁試個醬汁有少少偏咸，撈勻個香蔥汁同白飯一齊食就啱啱好，再加少少七味粉連埋啲䓤一齊食超正😋😋
每件雞個表面都炸得好香脆，以為會好乾或者硬，但係咬落雞肉仲好嫩，食得出真係雞脾肉嚟㗎😍😍
鹽燒三文魚頭 $48
我好少食三文魚頭，朋友想試吓就叫咗一個試吓。
估唔到佢燒得幾香又唔會有焦味，有部分嘅皮香脆到可以連肉一齊食，而且啲肉唔會乾哂，口感好好。 個魚頭好肥美而且唔細件，有好多骨膠原啊🤤🤤食多啲骨膠原仲可以美容😆正👍🏻
下午茶食到超飽都係百令蚊而且咁好味，好抵好滿足，一定要再嚟試埋其他嘢食~~~😋
Post
