馬家莊清真館 (Moved) New Location

星期日，要大掃除，費事煮午餐，近近地就去咗清真館。午市時間，但人不算多。食物款式多，好多選擇；又有午餐揀。要了兩個午餐，再加其他食品。餐包豆漿，不過熱嘅反而要加錢真係第一次聽熱飲要加錢炸醬面、雞絲抄拉面、牛肉餅、水餃、咖哩牛腩飯，叫得多了，食唔晒要打包。所有野都好油膩，食完有點漏。水餃最清，是皮厚那一類，餡料調味不錯，有肉汁。雞絲炒拉面，都預咗實油，但出黎結果尚可。雞絲不多，仲有雪味但拉麵質地不錯，頗有彈性，味道恰到好處，不會太咸。牛肉餅，皮太厚，也有點鞋口，九龍城那間較出色。牛肉湯汁不算多，反而油仲多。吃不到牛肉的鮮味。咖哩牛腩飯不錯，咖哩杰身得黎唔會太辣同太油。牛筋腩炆得軟淋，不會黐牙。送飯不錯的選擇。炸醬面！超油膩！麵條本身無味，全靠上面的炸醬，仲有少少青瓜絲。個炸醬勁肥，肉眼都見到有油，個醬又過杰。麵條最不濟，完全唔彈，無彈性唔煙韌。仲好淋添，不好吃，可以不叫。