富邦餐廳小廚

Open Now

Now Closed

餐廳細細間，專做街坊生意、有傳統嘅卡位、落單同廚師都喺同一個人，廚房又係佢、茶水又係佢、收錢都係佢，😎值得尊重嘅茶餐廳老店。今次試食早餐，我哋分別叫咗兩個餐。第一個早餐A：火腿通粉轉公仔麵、牛油多士、煎雙蛋，飲熱奶茶。先講個麵，公仔麵麵偏軟、但食落又唔會係淋哂同脹哂嗰種、算幾吸湯嘅，火腿正常，仲附送兩條生菜，湯底應該係普通清湯，味較為清淡的，想食清d可以叫呢個麵。另外，值得一讚嘅係牛油多士，😱多士超脆、熱辣辣，一咬落去裡面d牛油噴岀嚟，好香😍、好想食多塊！好少茶餐廳能夠將方包保持咁脆又熱架☺️，煎蛋有少少油🍳、奶茶☕️正常。第二早餐C：炸菜木耳絲、五香肉丁公仔麵，飲熱華田。配料充足，佈滿個碗九成位置、份量超多，炸菜同木耳互相配合令味道平衡，不咸不啖、加埋五香肉丁嘅肉同辣辣地嘅汁，麵嘅味道立刻豐富咗，份量又多，係一個好飽足的一餐。杯熱華田都係偏甜，飲品嚟講建議大家要特別要求少甜比較好。🙃總括而言，行過路過路起眼嘅茶餐廳嘅早餐，麵夠大份、價錢平、多士脆已經足夠令我哋精神一個早上。除咗早餐，夜晚仲有好多小菜、蒸海鮮等住你哋嚟試食！👍🏻