雲米家

Open Now

Now Closed

雲米家今日推介喺葵涌嘅一間米線店叫「雲米家」，呢間係「雲米家」第二間分店，位置喺葵興再入少少，開咗大約半年，第一間就喺荃灣。呢間米線店門口係有一級，要入去就要自備斜板，門口係裝上自動門，但只係開到四分之三，我入去都好驚撞爆玻璃門，好彩啱啱好夠我部輪椅入去，入面卡位佔多數，好彩有一張大圓枱，店員安排我坐大圓枱，好彩我早咗入去食，坐低無幾耐就已經爆場，要速戰速決快d食完比返個位其他人入嚟食！1.水煮牛肉麵（辣）$60+原味珍珠奶茶$10（9.5/10）呢碗水煮牛肉米線份量好多，牛肉新鮮軟淋又唔韌，大約都有十幾片牛肉，辣度啱啱好，米線好滑彈牙又掛汁，其他配料仲有芽菜、娃娃菜等！原味珍珠奶茶：原味珍珠奶茶唔會好甜，茶底夠香，珍珠口感QQ煙韌，抵飲！2.過橋米線 $60（配鮮雞、鵪鶉蛋、鮮肉片、雲耳、腐竹、芫茜、蔥花）（小小辣）+泡沫咖啡胚芽$10（9/10）呢碗過橋米線入面配料超足料，有大約5舊鮮雞件，雞肉肉質唔鞋、鵪鶉蛋有5粒、鮮肉片大約有5片、雲耳、腐竹、芫茜同蔥花，我叫咗小小辣，辣度算啱啱好，米線另上放在另外一碟，米線好滑彈牙，份量又多！泡沫咖啡胚芽：影完相之後，好綿密嘅泡沫無咗好多，咖