Video
Read full review
2023-05-05
477 views
斗滾價錢💲: $268+1 (mon to fri)好味程度😋: 4/5服務🍴: 3.7/5環境🗾: 3.2/5(乾淨但好迫)性價比🥢: 5/5!回頭率😚: 4/5-呢間應該大家都唔陌生🤣 由任食雞煲、蒸海鮮、燉湯、打邊爐去到甜品，食完真係攬住個肚走！前幾日仲見到林宥嘉演唱會慶功宴都揀左呢到🤭 當日book左第二輪大概八點半，未到時間，門口已經有一大堆人係到等，超級墟冚。上次我幾日前book，都幾full，只能坐到近門口的位置，但好彩店員都幾nice，唔會好似冷落你咁。-✅✅雞煲。一向好少食雞煲，估唔到呢個幾啱個人口味！佢地上枱後需要自己炒3次，每次都張D材料兜兜佢，等所有野可以入味D！叫左小辣的雞煲香而不辣，小小花椒八角的味道好出，仲有好多乾蔥、洋蔥，糖芹等，一揭開蓋已經聞到陣香味🤩 雞件的肉唔會太滑就在所難免，不過都唔會好鞋😋 雞肉入到味！我仲自己係出面配料佢拎左啲蜂巢豆腐、萵筍、蓮藕、加落去🤭 索晒啲味好正！我地一共食左3煲😳-✅蒸海鮮。原本最期待呢個，但可能我地3個人，望落無咁澎拜🥺分別有蟶子、海蝦、鮑魚、花甲同扇貝。所有份量都係按人頭比。全部海鮮都新鮮既，但蝦就比較細隻。佢同
價錢💲: $268+1 (mon to fri)
好味程度😋: 4/5
服務🍴: 3.7/5
環境🗾: 3.2/5(乾淨但好迫)
性價比🥢: 5/5!
回頭率😚: 4/5
-
呢間應該大家都唔陌生🤣 由任食雞煲、蒸海鮮、燉湯、打邊爐去到甜品，食完真係攬住個肚走！前幾日仲見到林宥嘉演唱會慶功宴都揀左呢到🤭 當日book左第二輪大概八點半，未到時間，門口已經有一大堆人係到等，超級墟冚。上次我幾日前book，都幾full，只能坐到近門口的位置，但好彩店員都幾nice，唔會好似冷落你咁。
-
✅✅雞煲。一向好少食雞煲，估唔到呢個幾啱個人口味！佢地上枱後需要自己炒3次，每次都張D材料兜兜佢，等所有野可以入味D！叫左小辣的雞煲香而不辣，小小花椒八角的味道好出，仲有好多乾蔥、洋蔥，糖芹等，一揭開蓋已經聞到陣香味🤩 雞件的肉唔會太滑就在所難免，不過都唔會好鞋😋 雞肉入到味！我仲自己係出面配料佢拎左啲蜂巢豆腐、萵筍、蓮藕、加落去🤭 索晒啲味好正！我地一共食左3煲😳
-
✅蒸海鮮。原本最期待呢個，但可能我地3個人，望落無咁澎拜🥺分別有蟶子、海蝦、鮑魚、花甲同扇貝。所有份量都係按人頭比。全部海鮮都新鮮既，但蝦就比較細隻。佢同鮑魚都彈牙。最鮮甜係扇貝，仲有啲蒜蓉粉絲一齊蒸係精華😝蟶子正常size，肉質OK，味道就唔算特別鮮。反而幾鍾意中間d烏冬，有蒜有辣椒咁蒸，加d豉油好好味😬
-
✅✅燉湯。用圓肉、杞子、紅蘿蔔燉烏雞，湯頭飲落好清甜，感覺無咩味精🥰 烏雞比平時的雞飲落會無咁肥膩！有屋企煲的感覺，食完d重味的野飲覺得好舒服，飲左幾碗😆
-
✅打邊爐。基本上無咩特別食過d咩食材😂但like 社交平台可以任食的牛頸脊質素非常好！一d都唔肥，但食落去肉質都好軟腍，肉味尚算濃郁🤓只要輕輕淥淥就得！牛肉唔係好厚，好易食多塊。出面配料區都有其他配料可以拎，例如菜、魷魚、豆腐等等，都係一般野，不過牛肉質素係好好！
-
✅甜品。當日的甜品係椰汁雪燕！糖水質地比較水水的，但幾滑。椰汁味道都香濃😌
-
其實去到飲湯個part已經好飽，硬住頭皮食埋落去！但又無可否應整體真係唔錯，如果人多個盤海鮮真係好震撼。同埋呢個幾錢食咁多樣野，係OK既😎
Post
