Video
Read full review
2024-10-17
328 views
好少黎新蒲崗搵食，今日專登黎探下朋友，聚下舊，朋友帶左我黎Mikiki 既Plato cafe 食晚飯。店面好大，晚巿人流唔算好多，可以坐得闊落D 舒服D。二人精選套餐做緊458蚊，包左前菜，Main，小食，甜品同埋野飲！首先餐湯係蘑菇蓉忌廉湯，好香濃，仲食到粒粒蘑菇蓉，幾正！前菜叫左酸忌廉煙肉薯條，Plato 既薯條比較幼身，炸到好香脆，就甘食已經好好食。表面有一大舊酸忌廉可以點黎食，忌廉都係奶味比較出，唔太酸，個人黎講中意咖汁撈埋忌廉，層次更加多！北海道帶子松露野菌意粉，賣相好靚！帶子大大粒，煎到表面焦香！意粉撈左黑松露忌廉醬，一上檯已經聞到好香既奶香味。隻醬好滑好香松露味，加上意粉係彈牙既質感，一流！帶子肉質好嫩滑，好有水準！澳洲肉眼牛扒7成熟，上菜個時嚇左嚇，塊扒好大好厚！估唔到400蚊包左甘大塊扒！火喉睇得出掌控得好好，表面係好靚既梅納反應，而内里係粉嫩既肉汁，大大件吃落完全唔軔。佢有連焗薯上，依個焗薯都好正，吃落有富有口感，加上有少少蛋黃醬增添左風味，食落好豊富！甜品係焦糖芝士餅，芝士餅唔係個d好重好膩既芝士，而係淡淡地，好輕盈甜甜地個款，可惜焦糖味唔太出。整體黎講plat
店面好大，晚巿人流唔算好多，可以坐得闊落D 舒服D。二人精選套餐做緊458蚊，包左前菜，Main，小食，甜品同埋野飲！
首先餐湯係蘑菇蓉忌廉湯，好香濃，仲食到粒粒蘑菇蓉，幾正！前菜叫左酸忌廉煙肉薯條，Plato 既薯條比較幼身，炸到好香脆，就甘食已經好好食。表面有一大舊酸忌廉可以點黎食，忌廉都係奶味比較出，唔太酸，個人黎講中意咖汁撈埋忌廉，層次更加多！
北海道帶子松露野菌意粉，賣相好靚！帶子大大粒，煎到表面焦香！意粉撈左黑松露忌廉醬，一上檯已經聞到好香既奶香味。隻醬好滑好香松露味，加上意粉係彈牙既質感，一流！帶子肉質好嫩滑，好有水準！
澳洲肉眼牛扒7成熟，上菜個時嚇左嚇，塊扒好大好厚！估唔到400蚊包左甘大塊扒！火喉睇得出掌控得好好，表面係好靚既梅納反應，而内里係粉嫩既肉汁，大大件吃落完全唔軔。佢有連焗薯上，依個焗薯都好正，吃落有富有口感，加上有少少蛋黃醬增添左風味，食落好豊富！
甜品係焦糖芝士餅，芝士餅唔係個d好重好膩既芝士，而係淡淡地，好輕盈甜甜地個款，可惜焦糖味唔太出。
整體黎講plato 係好高性價比既cafe，依個價錢同埋質素絕對值得再食，一定再黎！
Post
