Video
Read full review
2023-04-16
150 views
-🍴🍽🍴🍽🍴🍽🥞🥞🥞🥞🥞🍴🍽🍴🍽🍴🍽-呢間cafe 除咗爆漿tiramisu同梳乎厘pancake 出名，主食同飲品都好多選擇而且質素好唔錯🤩。店員服務態度好，好有禮貌🥰。餐廳入面比想像中寛倘，大部份都係梳化卡位，我地坐近廚房但一d油煙味都冇，工廈cafe嚟講係坐得好舒服😆。就算等一個鐘都值得，食完就明點解會咁多人排隊👍。🥢 意大利芝士熔岩 🆙個tiramisu 唔會太甜，咖啡味好出，熔岩奶蓋帶少少鹹芝士奶味，所有嘢加埋真係perfect match 🤤，亦唔會heavy 到食一啖就要停手。🥢 菠菜合桃意大利藍芝士長通粉 🆙通粉夠彈牙，合桃碎好香令成個通粉嘅層次昇華咗，blue cheese 味係比較subtle唔會搶哂focus，整體感覺夠creamy同埋好balanced 🤤。🥢 松露薯條 🆙幼身薯條係新鮮炸起，除咗薯條上面咁多嘅松露醬，餐廳仲好慷慨咁另外附上一大兜醬，完全唔洗慳住點🤭。🥢 鹹蛋黃雞翼(6隻) 🆗🥢 明太子忌廉大蝦燉飯 🆗🥢 椰子碎冰 with coffee on side 🆙Espresso 倒落沙冰度都仲係keep到濃厚嘅咖啡味，本身椰子奶唔甜，所以加埋hone
🍴🍽🍴🍽🍴🍽🥞🥞🥞🥞🥞🍴🍽🍴🍽🍴🍽
-
呢間cafe 除咗爆漿tiramisu同梳乎厘pancake 出名，主食同飲品都好多選擇而且質素好唔錯🤩。店員服務態度好，好有禮貌🥰。餐廳入面比想像中寛倘，大部份都係梳化卡位，我地坐近廚房但一d油煙味都冇，工廈cafe嚟講係坐得好舒服😆。就算等一個鐘都值得，食完就明點解會咁多人排隊👍。
🥢 意大利芝士熔岩 🆙
個tiramisu 唔會太甜，咖啡味好出，熔岩奶蓋帶少少鹹芝士奶味，所有嘢加埋真係perfect match 🤤，亦唔會heavy 到食一啖就要停手。
🥢 菠菜合桃意大利藍芝士長通粉 🆙
通粉夠彈牙，合桃碎好香令成個通粉嘅層次昇華咗，blue cheese 味係比較subtle唔會搶哂focus，整體感覺夠creamy同埋好balanced 🤤。
🥢 松露薯條 🆙
幼身薯條係新鮮炸起，除咗薯條上面咁多嘅松露醬，餐廳仲好慷慨咁另外附上一大兜醬，完全唔洗慳住點🤭。
🥢 鹹蛋黃雞翼(6隻) 🆗
🥢 明太子忌廉大蝦燉飯 🆗
🥢 椰子碎冰 with coffee on side 🆙
Espresso 倒落沙冰度都仲係keep到濃厚嘅咖啡味，本身椰子奶唔甜，所以加埋honey comb (aka焦糖脆脆)就啱啱好😋。
🥢 Honeycomb latte 🆗
📌不設訂位~ 當日星期六一點到，三人枱都等咗大概一個鐘🫠。建議大家安排定地方喺等緊嘅時候去(例如可以步行大概五分鐘去Mellow Out 睇下書~)，因為餐廳外面等位嘅空間唔多，多人等會有少少焗😵💫。等到咁上下打去餐廳問叫號，店員都好樂意講，同埋有提截單時間係三點鐘。
📌5:30後先至會收加一服務費，所以食午市係比較抵🤩。
🌟評價 𝗥𝗮𝘁𝗶𝗻𝗴𝘀🌟
食物 𝗙𝗼𝗼𝗱 8.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10
服務 𝗦𝗲𝗿𝘃𝗶𝗰𝗲 8/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10
整體 𝗢𝘃𝗲𝗿𝗮𝗹𝗹 8.125/10
-
🍴🍽🍴🍽🍴🍽🥞🥞🥞🥞🥞🍴🍽🍴🍽🍴🍽
-
🗺 Cobber Coffee and Tonys Pastry (觀塘)
觀塘駿業里8號世貿大樓1樓
Post