鮨亭 (Closed)

屯門本地朋友大力推介！既然佢講到咁正一定要黎試下啦！係西鐵屯門站坐K51或K53幾個站就到！一試難忘，100%回頭率！❤️精選火炙壽司拼盤9件👍🏻👍🏻👍🏻必點！ 淨係擺盤賣相已經一流，完全高級感！即刻影相打卡啦！壽司係師傅發辦，每天不同，食材非常新鮮！火炙將魚油既香味升華，味覺既享受！件件都咁好味！用甜蝦做例子，一d都唔腥入口即溶勁Creamy! 食完已經計劃下次再黎食！松葉蟹肉蟹子沙律🦀唔係淨係得蟹柳架！佢真係有松葉蟹肉，咁鮮甜！配上大量蟹子，好味！厚燒牛舌心🐂外皮燒香，中間有少少粉紅，肉質都好鮮嫩！重點係個醬係wasabi加藜麥！同牛舌勁配！師傅勁有心思！清酒煮蜆🍶醉翁之意不在蜆，佢既湯底勁濃清酒！佢既清酒仲要好好飲，唔係用普通既料理酒，真係不計成本！我食完d蜆忍唔住飲埋d酒！飲品🍺Suntory 啤酒！ 黑啤加白啤混合，但黑啤味較濃，麥味重，配濃味食物一流！自家制梅酒，甜甜地易入口，適合女士們！整體而言，環境舒適，服務好，美食正！短期內會再去食！星期一至四 7pm前走或8：30後到仲有85折！真係CP值高到爆燈！💡