柴石燒 (Closed)

多人到平日1:45 去到都差啲冇位坐。我叫左個紐西蘭肉眼扒，配日本珍珠米白飯連日式麵豉湯連日式胡麻醬沙律都只係$88。沙律好好食，尤其是個胡麻醬，記得撈勻啲。肉眼扒好夠熱好多肉汁，一啲都唔韌，我雖然配左個蒜蓉汁，但唔洗點汁都好好味，美中不足係唔可以叫幾多成熟，一上到黎已經七成熟左右，想再熟啲就反一反放耐少少。友人叫左個西冷牛扒，有少少韌，拍靭既建議叫返肉眼，畢竟西冷牛扒比較怕熟，喺控制唔到生熟程度時點肉眼比較穩陣。