Video
Read full review
2016-02-17
369 views
近排天氣非常凍，蒸氣石鍋風行香港，我呢d潮人，當然嚮應潮流，食番個蒸氣石鍋先~果然係主打海鮮，林林總總既不同新鮮海鮮已經放哂喺門口向每一位客人"揮手"~裝修以中式為主，而且好寛敝，仲有廂座，更有空間，坐得更為舒適。起初擔心如果食海鮮唔識蒸既時間應該幾耐，會令海鮮過熟，浪費左，問下侍應，佢就話"你地凈係點菜同食就得喇，其他事情我地一手包辦"，咁我地就放下心頭大石了，那麼，我們盡情叫海鮮吧! 加州象拔蚌象拔蚌二食，個膽就可以擺落去個粥底度煲，令粥底更加鮮甜，其餘就切絲蒸，蒸既時間啱啱好，原汁原味咁食，非常非常鮮甜，由於用蒸既方法，完全可以保留海鮮既精華喺入面，一入口彈牙多汁，立即知道以往用打邊爐方式涮象拔蚌係會流失象拔蚌既精華，識食一定係食蒸象拔蚌! 黃皮老虎班叫班就緊係問下今日邊隻班靚啦，推介一條十幾斤既老虎班，就叫左一斤老虎班(得幾個人食嘛)，一開蓋，已經"鮮"氣撲鼻，入口非常軟滑，呢條班堅新鮮，而且非常滑溜，入口即溶，溶後又鮮又甜既汁充滿口腔內，牙縫亦留有鮮甜既汁，真係超好食!清蒸和牛片原來蒸都可以做到medium well 既熟度，滑身而且肉汁豐富，因為冇乜流失肉汁，真係比平時既煮
近排天氣非常凍，蒸氣石鍋風行香港，我呢d潮人，當然嚮應潮流，食番個蒸氣石鍋先~
果然係主打海鮮，林林總總既不同新鮮海鮮已經放哂喺門口向每一位客人"揮手"~裝修以中式為主，而且好寛敝，仲有廂座，更有空間，坐得更為舒適。
起初擔心如果食海鮮唔識蒸既時間應該幾耐，會令海鮮過熟，浪費左，問下侍應，佢就話"你地凈係點菜同食就得喇，其他事情我地一手包辦"，咁我地就放下心頭大石了，那麼，我們盡情叫海鮮吧!
加州象拔蚌
象拔蚌二食，個膽就可以擺落去個粥底度煲，令粥底更加鮮甜，其餘就切絲蒸，蒸既時間啱啱好，原汁原味咁食，非常非常鮮甜，由於用蒸既方法，完全可以保留海鮮既精華喺入面，一入口彈牙多汁，立即知道以往用打邊爐方式涮象拔蚌係會流失象拔蚌既精華，識食一定係食蒸象拔蚌!
黃皮老虎班
叫班就緊係問下今日邊隻班靚啦，推介一條十幾斤既老虎班，就叫左一斤老虎班(得幾個人食嘛)，一開蓋，已經"鮮"氣撲鼻，入口非常軟滑，呢條班堅新鮮，而且非常滑溜，入口即溶，溶後又鮮又甜既汁充滿口腔內，牙縫亦留有鮮甜既汁，真係超好食!
清蒸和牛片
原來蒸都可以做到medium well 既熟度，滑身而且肉汁豐富，因為冇乜流失肉汁，真係比平時既煮法多好多肉汁，薄薄一片更加入口即溶~
原籠蒸雙色馬拉糕
賣相已經知道比一般馬拉糕特別，傳統馬拉糕同班蘭馬拉糕拼在一起，兩種都好鬆軟，相比下，傳統甜過班蘭，但都唔會好甜，而班蘭馬拉糕帶少少班蕑香，好特別~
南瓜新鮮排骨粥底
個粥又綿又鮮甜，完全集合哂海鮮既精華，不加任何味精調味已經夠哂味，仲有，個象拔蚌膽擺左入面，令到個粥更鮮甜，蒸氣鍋必食之選，必食正到一個點。
呢間餐廳服務一流，食物質素更一流，完全值呢個價錢!
Post
