Burgerman (欽州街) (Closed)

牛肉漢堡平時就成日食，食烤雞漢堡就比較少，「Burgerman」嘅雞肉漢堡都幾唔錯，啱曬我轉下口味。水牛城雞肉漢堡，採用低溫法燒製雞胸肉，雞胸肉口感厚身、肉嫩多汁，配上味道酸辣嘅水牛城醬汁，味道非常惹味；加入左美國嘅大孔芝士，芝士經燒製後，口感融化，味道更濃郁、突出；麵包經烘製後口感外香脆、內軟熟，而且麵包表面都有鋪上左黑芝麻、白芝麻，食落更香口；配料有新鮮、爽脆嘅蕃茄、生菜、洋蔥，味道鮮甜。煙燻燒烤雞翼，口感厚肉、結實、肉汁飽滿，燒烤醬味道酸甜、帶有煙燻香氣，雞翼幾入味，表面鋪上洋蔥粒，令味道更豐富。