越潮

Open Now

Now Closed

呢間越南河粉餐廳， 其實已經食咗好多次，今次先認認真真影低相寫食評，之前幾次一嚟到已經急不及待食，所以連相都唔記得左影~餐廳環境實屬麻麻，小店格局，但係主要黎食野既，無計啦～ 佢都有啲越南既裝飾佈置~午餐有粉麵飯，包一杯熱餐飲~蟹膏湯檬曉- 呢個湯檬超級正，我平時唔鍾意食蕃茄湯底，但係呢個湯底又配合得好好，熱辣辣連埋一舊舊既蟹膏，入口溶化，認真好味，佢仲有扎肉配埋，叫做飽肚啲，份量好足，我每次黎多數都係叫呢款~ 招牌火車頭 - 包括有牛丸，牛展，生牛肉，牛柏葉，扎肉。呢個岩晒啲愛牛人仕，雖然係清湯底，但混入香草，味道幾香濃~香茅豬扒飯 - 呢個正正常常啦 ，幾重香茅味~ 總括黎講，越南湯河，論味道黎講，我首選呢間~