金滿都越南餐廳 (Closed)

同事話想食越南菜，所以就簡左長沙灣既「金滿都」首先叫左個大椰青飲，清甜，冰涼，鮮甜「正！」再叫小食：越式拼盤（魚餅/蒸粉包/春卷），呢個拼盤份量算多，食得出係即叫即炸，越南春卷是用薄薄的白色春卷皮，包裹豐富鮮味的餡料，餡料好多咬落口感豐富；越式蒸粉包晶瑩剔透的皮包賣相特別包成方形且味道好，拼盤既份量不少幾大份甜品：凍榴連西米露，作為榴連控既我真心覺得好好食啊，而且榴連多，一d都唔吝嗇小菜：炒白菜，上碟d白菜排得好整齊咁上碟，加分越式雞翼飯/咖哩雞飯加蒜茸包超好味，好香濃既蒜蓉味，配埋個咖哩汁令人一試難忘，回味無窮∞菜單都幾多選擇，雞翼肉嫩多汁，香料令雞翼充滿越南風味特別的香，整體水準不錯，賣相和味道對辦👍🏻餐廳上菜速度算快，店員亦有禮貌，我鍾意地方夠闊，坐得好舒服，一試難忘的越南餐廳。