Video
Read full review
2020-01-11
452 views
唔係第一次食越南屋, 網上外賣平台過一次, 印象碗粉冇咩特別, 今次堂食就唔同啦~ 好正呀🤤越南餐廳既賣點就係搭配好多, 配湯檬湯河唔夠仲可以叫小食拼盤🍴而今次叫左兩個二人套餐A再加小食, 原來係可以多到打包埋聽日做lunch既😂想食飯既可以考慮二人套餐B👇🏻開始講野食, 之前聽講廚師真係越南人, 食完今餐信啦, 真係好味過出面既越南餐廳😛<熟牛肉湯河>朋友麻麻地生野所以叫左個熟牛肉, 牛肉煎過再落湯, 肉質唔會咬到強化咀嚼肌但因為煎過所以個湯比生牛肉湯河油膩少少🤏🏻<生牛肉湯河>牛肉湯好濃呀! 浸完熱湯生牛肉都熟啦, 加上湯冇咁油, 生熟牛肉揀我一定勸朋友食生牛肉💁🏻♀️<豬頸肉湯檬>越式豬頸肉真係好香而且肥肉較少唔黐牙, 湯冇牛肉湯咁濃味, 但豬頸肉湯檬對我黎講係越南餐廳經典必叫👐🏻<蕃茄蟹膏湯檬>唔係講笑‼️好正‼️本身睇餐牌見到既人唔係好愛蟹膏既話唔會嗌, 因為感覺冇咩餸😂但係佢好豐富呀~有豆卜札肉仲有蝦🦐札肉真嘅要讚因為咬落有少少類似軟骨墨魚口感既東西係入面, 而且切得厚肉質好紮實, 唔會食左好似冇食過咁😋至於湯有啲
越南餐廳既賣點就係搭配好多, 配湯檬湯河唔夠仲可以叫小食拼盤🍴而今次叫左兩個二人套餐A再加小食, 原來係可以多到打包埋聽日做lunch既😂
想食飯既可以考慮二人套餐B👇🏻
開始講野食, 之前聽講廚師真係越南人, 食完今餐信啦, 真係好味過出面既越南餐廳😛
熟牛肉湯河
19 views
0 likes
0 comments
<熟牛肉湯河>
朋友麻麻地生野所以叫左個熟牛肉, 牛肉煎過再落湯, 肉質唔會咬到強化咀嚼肌但因為煎過所以個湯比生牛肉湯河油膩少少🤏🏻
生牛肉湯河
17 views
0 likes
0 comments
<生牛肉湯河>
牛肉湯好濃呀! 浸完熱湯生牛肉都熟啦, 加上湯冇咁油, 生熟牛肉揀我一定勸朋友食生牛肉💁🏻♀️
豬頸肉湯檬
17 views
0 likes
0 comments
<豬頸肉湯檬>
越式豬頸肉真係好香而且肥肉較少唔黐牙, 湯冇牛肉湯咁濃味, 但豬頸肉湯檬對我黎講係越南餐廳經典必叫👐🏻
蕃茄蟹膏湯檬
30 views
0 likes
0 comments
<蕃茄蟹膏湯檬>
唔係講笑‼️好正‼️本身睇餐牌見到既人唔係好愛蟹膏既話唔會嗌, 因為感覺冇咩餸😂但係佢好豐富呀~有豆卜札肉仲有蝦🦐札肉真嘅要讚因為咬落有少少類似軟骨墨魚口感既東西係入面, 而且切得厚肉質好紮實, 唔會食左好似冇食過咁😋至於湯有啲渣渣係入面, 冇錯就係蟹膏, 其實蟹膏味唔重, 唔講未必會留意到有蟹膏味, 不過湯係鮮味既!
蓮藕苗沙律
34 views
0 likes
0 comments
<蓮藕苗沙律>
沙律有蓮藕苗+洋蔥絲+雞絲+紅白蘿蔔+青瓜+蝦~ 第一次食蓮藕苗, 食落爽口有啲似荀, 沙律入面仲有一條條"韓國個啲白蘿蔔", 呢個沙律好掂掂👍🏻
越式春卷
14 views
0 likes
0 comments
<越式春卷>
如圖所見有啲燶🌚所以扣左啲分
香茅雞翼
18 views
0 likes
0 comments
<香茅雞翼>
炸得超脆口, 每隻都大大隻隻靚靚仔仔
椒鹽豆腐粒
27 views
0 likes
0 comments
<椒鹽豆腐粒>
本來以為係茶樓既小豆腐粒, 見到咁大粒嚇親! 炸完同小豆腐粒一樣外脆內軟, 不過我想要小豆腐粒呀🐒
上湯浸蕃薯苗
16 views
0 likes
0 comments
<上湯浸蕃薯苗>
蕃薯苗既葉真係好滑口, 除左蕃薯苗仲叫左碟通菜(正常發揮)
椰青
28 views
0 likes
0 comments
<椰青>
個椰青真係好甜好多水🙌🏻唔知大家有冇試過餐飯食到一半已經飲哂個椰青, 我想講呢個一定唔會我食哂都仲飲緊~ 另外作為一個嗜甜既人都覺得個椰青好甜, +$16轉椰青唔係唔叫呀😎
------------------------------
呢餐抵食呀! 四個人如果想叫多啲小食既話, 叫三碗湯粉都夠食, 因為粉量好多👐🏻
Post
