河內大娘越南餐廳 (Closed)

餐廳布置好有越南風情，以越南草棚，草帽做裝飾，又有好多越南娃娃，好似去左越南咁。🍽️大娘蒸粉包，入面係肉碎炒紅蘿白絲及木耳絲，包皮索哂饀料啲精華，味道正宗。🍽️皇牌火車頭粉必試，夠哂多料，份量又大，有牛丸、生熟牛肉、牛展、牛根和牛柏葉，仲有蘿白，水準不俗。🍽️越式海鮮檬粉，轉左河粉。個湯酸酸甜甜，夠醒胃，海鮮有魷魚、蜆、鮮蝦、蝦餅，原來店員話無哂豆卜，換左蜆比我，真夠運。兩個湯底各有風味，洋蔥絲、芫荽、九層塔令香味昇華，層次豐富。🥤飲品點了青檸梳打及鹹檸梳打，我自己中意走甜，夠酸好正。