四寶食堂 (華凱大廈)

Open Now

Now Closed

好耐冇食過四寶食堂，所以嗰日見唔算好多人排隊即刻入去食。晚餐多好多嘢食揀，今次都係試咗佢個招牌黑蒜油叉燒滑蛋飯，好香黑蒜油味，另外值得一讚嘅係滑蛋好多，每一啖都有咁滯，自己係好鍾意食蛋撈飯，加埋佢嘅豉油，推介！另外仲叫左一個特別嘅星馬菜，黑醬油胡椒粉絲大蝦煲，大蝦好大隻，有三隻，蝦好新鮮另外亦都入晒黑胡椒嘅味道。另外佢嘅粉絲配飯好惹味，不過粉絲都真係太多，最後都有少少食唔晒。另外想講吓佢可以加$20轉餐，有每一日嘅老火湯，我哋今日嘅湯係雪梨海底椰湯，非常清甜，同埋真係好足料！每一次去親四寶食堂都多左嘢食揀，越來越多唔同嘢食可以試。