辛安東元祖奶奶雞 (Closed)

今晚行吓行吓去到黑布街，發覺多咗好多餐廳，本來想試一間串燒店，但好多人，所以放棄了。經過依間，唔使排隊又想食韓國野，就入去了。本來安排坐樓下，但有啲迫，我上去洗手間見好多位，就要求上去坐，咁就轉咗位，上面啲位子較寬敞。咁我地得兩個人，又想食奶奶雞，於是就點了半隻奶奶雞再加一客餃子煎餅。雞先上，我們點了不辣，味道濃郁好入味，但唔知係無跟白飯既關係定兩個人食還是太多，越食越鹹，最後剩了一點。餃子煎餅很好吃，又脆身，但入面材料不多，吃到最後有點寡。我想這間還是多人來吃會較好。