十二味貴陽牛肉粉 (Closed)

呢日朋友介紹嚟食貴陽牛肉麵 好好味 可惜地方偏僻了點 唔係有人帶 真係好容易走寶！牆上嘅紙仔紀錄了開店以來嘅里程碑 全部係食客嘅好評～～ 店內亦有好多有關貴陽飲食文化嘅畫同圖片小妹點了一客唔辣嘅銷魂涼麵（本身有滷蛋）另加牛肚同牛筋（btw 友人叫咗小辣 但係辣到溝咗水都食唔到 所以真係好唔怕辣嘅朋友先好試正宗貴陽辣啦～～～）所謂涼麵 唔同日式涼麵 因為無用冰震 只係無加湯 呢種麵係自己打嘅 粗過意粉少少 好煙韌.... 裡面嘅配料好多 面頭深啡色嘅有點似豆乾 脆脆地... 牛肚牛筋煮得好淋 尤其是牛筋 簡直入口即溶！由於碟麵太大兜 小妹試了一半開始飽... 正當苦惱之際 發現了桌上一種神級調味料！試咗少少 發現係四川麻辣嗰隻麻！小妹倒咗啲落碟麵 撈勻食馬上開胃！又再食多咗大半！事後問朋友 呢種應該係孜然 又叫小茴香～～怕食辣又香品嚐地道貴陽風味嘅朋友一定要落佢啦～～～