星願 居酒屋 (Closed)

放工經過呢間餐廳，又想食日本嘢，諗都唔諗就衝咗入去😳😳結果梗係好食啦！餐牌都幾多選擇，有手卷有壽司有有晚市套餐又有串燒又有拉麵等等，但今日小妹自己一個人，叫唔到咁多嘢食，唯有等下次約埋朋友仔先一齊食多啲啦😍既然係咁，我自己一個人就梗係食過刺身丼飯啊，揀咗個名非常之靚嘅當飯食「星願海膽丼」❤️個飯嘅刺身非常之豐富，有三文魚腩、吞拿魚、油甘魚、帶子、甜蝦、甜蛋同主角海膽啦🤤真係平時食開嘅刺身集於一身，又啱晒選擇困難嘅我，因為我樣樣都想食啲 🙈所有刺身都非常之鮮甜美味，個海膽一睇到隻色就知道新鮮無敵，食落去勁鮮甜，有海水味👏🏻另外個帶子同甜蝦都啖啖肉咁，好鬼死正！而三文魚腩刺身有獨有三文魚味，yummy!