拉麵達人 (Closed)

呢間拉麵店係經朋友介紹，今日難得經過佐敦就過黎試下。間店都血細，得十幾個位，6點9黎到教等左成半個鐘先入到坐，之後就即刻落單。今次就試左店主推薦既達人拉麵同埋加多左個38蚊既鰻魚飯。D野都上得幾快，等左十幾分鐘就有得食。首先試左個鰻魚飯，我幾欣賞佢係塊鰻魚下邊加左層蛋絲，咁d鰻魚汁就唔會滲透落d飯到整淋曬，鰻魚都燒得唔錯，係d骨硬左小小，不過都可以照吞跟住就到拉麵，一上黎就試啖湯先，個湯有非常溫厚濃郁既豬骨味，正! 偏幼既拉麵，加塊半肥瘦既叉燒再加啖湯仲正!最後要讚下隻蛋，個流心蛋簡直係成個拉麵既精華，得一隻完全唔夠