Video
Read full review
2021-03-06
192 views
嚟緊將會放九日大假，難得今個星期六，一於同個朋友一齊開開心心食個漢堡包慶祝吓，佢提議話想去長沙灣食漢堡包，其實之前都試過一次，感覺都良好嘅，今次第二次幫襯先至嚟寫食評，咁就希望今次佢嘅水準依然不變啦。可能由於係星期六嘅關係，所以人係比較多，門外稍等咗一陣先入到去，見到其實店舖防疫措施都足夠，起碼枱面上係有1.5米距離，如果加塊隔板會比較好啲，因為始終唔知點解我個人覺得有塊板會感覺良好啲。首先舖頭係半自助嘅形式，要自己出去點餐，之後有人送個漢堡包過嚟，我接受呢個安排嘅，不過飲管嗰啲就要自己去拎，咁佢就有即棄飲管同埋不鏽鋼飲管俾你去選擇，悉隨尊便，揀你想揀嘅嘢。呢一樣係好多餐廳都冇辦法做到嘅事情，但係希望佢可以洗乾淨佢啲飲管啦。都等咗段時間，兩個漢堡包終於都到啦，我哋就食咗個鄰居漢堡，另外一個就係雙層芝士牛肉漢堡。鄰居漢堡上面其實有好多配料，有菠蘿，生菜，牛肉，蕃茄，洋蔥同埋少少菌類等等，同埋其實個包裡面都係好多汁嘅，都算係比起一般漢堡包來講做得係比較出色嘅，所以其實呢個包我可以話係好味過平時我哋喺市面上見到嘅漢堡包，但係又未至於令到我好驚喜。而雙層芝士牛肉漢堡就感覺上肉類會比較多，相應來
可能由於係星期六嘅關係，所以人係比較多，門外稍等咗一陣先入到去，見到其實店舖防疫措施都足夠，起碼枱面上係有1.5米距離，如果加塊隔板會比較好啲，因為始終唔知點解我個人覺得有塊板會感覺良好啲。
首先舖頭係半自助嘅形式，要自己出去點餐，之後有人送個漢堡包過嚟，我接受呢個安排嘅，不過飲管嗰啲就要自己去拎，咁佢就有即棄飲管同埋不鏽鋼飲管俾你去選擇，悉隨尊便，揀你想揀嘅嘢。呢一樣係好多餐廳都冇辦法做到嘅事情，但係希望佢可以洗乾淨佢啲飲管啦。
都等咗段時間，兩個漢堡包終於都到啦，我哋就食咗個鄰居漢堡，另外一個就係雙層芝士牛肉漢堡。
鄰居漢堡上面其實有好多配料，有菠蘿，生菜，牛肉，蕃茄，洋蔥同埋少少菌類等等，同埋其實個包裡面都係好多汁嘅，都算係比起一般漢堡包來講做得係比較出色嘅，所以其實呢個包我可以話係好味過平時我哋喺市面上見到嘅漢堡包，但係又未至於令到我好驚喜。而雙層芝士牛肉漢堡就感覺上肉類會比較多，相應來講個汁都唔會話好似鄰居漢堡咁多汁，所以如果兩個選擇嘅話我諗我都係會選擇返鄰居漢堡。但係以我所知佢有大啡菇選擇嘅，個菇入邊本身都多汁，所以如果係話好擔心食漢堡包好乾嘅人，我諗我會建議返你哋去選擇依兩種漢堡。
不過令我最驚喜嘅係佢個薯條，佢薯條係有兩種嘅，一種係番薯，一種係普通薯仔，另外薯仔係連皮嘅，所以就係新鮮嘅薯仔炸出嚟啦，但係唯一就係我覺得佢嘅份量有啲少，所以食完之後都好似感覺唔係好夠喉咁，都可能出去要食其他嘅小食先至可以彌補到我哋星期六嘅胃，哈哈。
Post
