龍袍

Open Now

Now Closed

呢間酒樓可以一次過容納好多人，今次我哋一行9️⃣人嚟到仲可以坐埋一台實在太好了。不得不讚佢哋嘅服務真係好周到，咁多人食嘢仲可以幫手剪到點心細細件。另外呢度嘅餐具都好靚，比較特別嘅呢度飲茶可以叫- 菊普：即係菊花茶以及普洱茶嘅混合體。味道非常清新🍵普-🦐金箔水晶海蝦餃好欣賞佢哋可以逐粒逐粒叫蝦餃，蝦餃晶瑩剔透，皮薄餡料超級豐富，蝦肉大隻彈牙爽口🦐咬落juicy十分。而丄頭金箔都令到成個感覺非常之高貴😚🌊鮑魚燒賣一小隻嘅鮑魚仔擺咗喺燒賣面頭，燒賣豬肉蝦肉比例恰當，配合埋充滿海鮮味嘅鮑魚令到整體口感豐富👍🏻其他點心都同樣做得非常出色。當中最為出色嘅係煙煙韌韌紅棗味同椰汁味分明嘅棗皇糕🍰、煮得細膩幼滑嘅杏仁蛋白茶🥚、濃湯泡飯濃郁滿足🍚、紅油抄手粒粒飽滿🦐、酥脆可口嘅炸魷魚鬚🦑、足料豐富嘅豆苗餃🌱、安格斯牛肉腸粉🐮、炒到乾身充滿鑊氣嘅炒飯🍚。