媽咪雞蛋仔 (Moved) New Location

好耐無食過雞蛋仔，因為好多時食雞蛋仔都會有d失望，今日行過希雲街見到媽咪雞蛋仔見到好多人排隊就走過去買。即叫即整，要等一陣先有。綠茶朱古力雞蛋仔 $29新鮮熱辣，份量都好大塊，粒粒都好飽滿，爆哂餡，唔似其他舖頭通常得一半餡。外脆內軟，好煙韌，綠茶味香加上朱古力甜度適中，朱古加粒增加口感。芝士雞蛋仔 $35我地另外叫多個黎share，芝士味濃郁，好香，鹹中帶甜，蛋香味都突出。檸檬茶檸檬水$20@跟餐可以減$4，佢地係無冰嘅，鮮榨檸檬好清新，又唔會太過酸，夏天飲好解渴。