沙田頭火鍋 (Closed)

最近天氣雖然熱番唔少,不過對於鐘意打邊爐人仕黎講一年四季都可以打,只要想打就打,想食就食。最近發現係旺角朗豪坊、雅蘭附近砵蘭街, 就有間好值得推介嘅火鍋店。就係沙田頭火鍋,唔好搞錯以為係沙田丫！地鋪黎講唔算大, 不過係有兩層, 所以就算一班朋友黎都夠位坐。裝修唔算好靚, 但就夠哂光猛整潔。齋睇menu湯底就有18款咁多,咁就揀咗:海鮮蟹皇鍋:大大煲,主角當然係大大隻大肉蟹,仲有兩隻添,肥美肉厚,超級享受!其他配料仲有大量魚肚竹笙、紅蘿蔔、白蘿蔔、沙白、沙滲、玉竹、紅棗、杞子等等….成煲奶白色湯底就知用料幾咁足, 加上全部配料都勁入味,D湯又滋補又鮮甜味美, 勁正！脆鯇骨腩:份量都幾多, 仲要係厚切大大件, 魚鮮味十足, 配上惹味湯底, 真係無得彈！手打鮮滑三拼:有齊鮮蝦滑、墨魚滑、牛滑三款, 全部都咁新鮮好食, 蝦滑、墨魚滑彈牙就預左, 最估唔到係連牛滑都可以做到咁彈牙, 正呀！