Video
Read full review
2017-12-17
4218 views
之前喺FB, 見介紹這間親子餐廳，由3個好有 heart嘅爸爸開，又描述這幾位爸爸對食物好有要求，所以專程山長水遠，來支持一下。（十分期待！）今日係星期日，預左要等位。服務員好有禮幫我哋登記，仲話可以留電話，有位打畀我哋。由於天氣這幾天十分寒冷，所以這個服務，令我哋可以唔使喺門口吹住風，凍冰冰等候。讚！話明親子餐廳，當然會提供BB櫈以及BB餐具（留意：BB櫈並非 high chair)「意式燴海鮮配扁意粉」好鹹！未知是否平時水準，還是師傅今日開心得滯（年近聖誕），所以重手咗。意粉是另碟上，用蒜頭片炒香，好鹹。番茄燴海鮮醬汁，都好鹹。海鮮唔新鮮，裏面有塊魚柳，我們初時還以爲是一塊全濕透嘅薯餅。帶子肉質都好梅。魷筒仔未煮熟。整體都係一個字，「鹹」！「蕃茄羅勒水牛芝士薄餅」比起其他餐廳，這個Pizza確實有點遜色。好少何Pizza會難食，因為Pizza餅底加芝士，再加番茄，已經是無敵。這個Pizza對我們來說沒有驚喜，有少少失望。「Papa Iced Tea」一見到杯 Iced Tea，好欣賞餐廳環保，使用了環保紙飲管。賣相都討好，可惜飲完第一啖，就失望了。相比其他餐廳（尤其是 Simply
今日係星期日，預左要等位。服務員好有禮幫我哋登記，仲話可以留電話，有位打畀我哋。由於天氣這幾天十分寒冷，所以這個服務，令我哋可以唔使喺門口吹住風，凍冰冰等候。讚！
話明親子餐廳，當然會提供BB櫈以及BB餐具（留意：BB櫈並非 high chair)
「意式燴海鮮配扁意粉」
好鹹！未知是否平時水準，還是師傅今日開心得滯（年近聖誕），所以重手咗。意粉是另碟上，用蒜頭片炒香，好鹹。番茄燴海鮮醬汁，都好鹹。海鮮唔新鮮，裏面有塊魚柳，我們初時還以爲是一塊全濕透嘅薯餅。帶子肉質都好梅。魷筒仔未煮熟。整體都係一個字，「鹹」！
「蕃茄羅勒水牛芝士薄餅」
比起其他餐廳，這個Pizza確實有點遜色。好少何Pizza會難食，因為Pizza餅底加芝士，再加番茄，已經是無敵。這個Pizza對我們來說沒有驚喜，有少少失望。
「Papa Iced Tea」
一見到杯 Iced Tea，好欣賞餐廳環保，使用了環保紙飲管。賣相都討好，可惜飲完第一啖，就失望了。相比其他餐廳（尤其是 SimplyXXXX），的確好大分別。味道好淡，唔夠茶味、唔夠果味，同行朋友嫌佢唔夠甜（不過果茶對我自己本人來說，唔甜都可以）。
「Cappuccino」
正常。
除服務員會服務我們外，場內仲有數隻烏蠅，會不時過來招呼我們。我好少會喺食評提及昆蟲滋擾問題（因為明白食肆內出現一兩隻昆蟲，有時候是無可避免的）。但這次的確被這幾隻「服務員」吸引了注意。
對於今次餐廳經驗，的確十分失望。好想支持本地嘅創業朋友，尤其是對小孩有心嘅人士。希望這間餐廳看過我的食評後,可以有大大改善。我期待它的改變,我希望不久嘅將來,可以給它一個「讚」嘅食評。I’ll be back!
Post
