Video
Read full review
2008-12-02
34 views
蛇王如粉絲會會長吹雞，帶大家入屯門吃海鮮，作為忠實兼之C硬派既「粉絲」自然即刻舉生報記九月下旬粉絲會和味海鮮宴特別的海鮮節目，由在會長同會長夫人特別安排，以二百二十元「海嘯價」擦勻三斤重海斑、重皮蟹、奄仔蟹、鮑魚仔、花竹蝦等等等等的生猛海鮮，盡興的一夜！托會長安排，一行十二人輕易坐到面對街景的靚位置，輕鬆地跟大家分享精彩海鮮宴。先說生猛花竹蝦，每隻二至三兩，大堆頭鮮蝦將碟擠得滿又滿，蝦本身夠新鮮拆起殼，快快手吃上三、四隻，見大家停晒手，又拆多兩隻，又鮮又爽嫩中蝦，都好耐無試過拆咁多蝦了！沙葛湯，用了河魚、瘦肉同煲，濃郁稠杰，是下火良品，足料亦有水準！會長特別到街市買的鮑魚仔，聽說買一打送三隻，我地十二人一圍，因為之前的蝦都未清晒，結過轉了兩輪、三輪都仲剩幾隻，靚姐三催四請後，最後都完滿清碟！鮑魚肉質當然爽嫩彈牙，而最精彩是墊底的豉油汁惕夠鮮美，可以來下飯呢！原煲太爺雞，會長話此品索價二百，雖是冰鮮雞滷水雞，但由專人推來，排場十足又夠體面，雞又砌到靚靚仔仔，絕對有觀賞價值～雞都算安祥，但滷的功夫麻麻，亦沒有煙燻過，只能當浸雞吃，比較起會長挑的海鮮，這個吸引度麻麻。會長細心解釋這裡的梅菜扣
特別的海鮮節目，由在會長同會長夫人特別安排，以二百二十元「海嘯價」擦勻三斤重海斑、重皮蟹、奄仔蟹、鮑魚仔、花竹蝦等等等等的生猛海鮮，盡興的一夜！
托會長安排，一行十二人輕易坐到面對街景的靚位置，輕鬆地跟大家分享精彩海鮮宴。先說生猛花竹蝦，每隻二至三兩，大堆頭鮮蝦將碟擠得滿又滿，蝦本身夠新鮮拆起殼，快快手吃上三、四隻，見大家停晒手，又拆多兩隻，又鮮又爽嫩中蝦，都好耐無試過拆咁多蝦了！
沙葛湯，用了河魚、瘦肉同煲，濃郁稠杰，是下火良品，足料亦有水準！會長特別到街市買的鮑魚仔，聽說買一打送三隻，我地十二人一圍，因為之前的蝦都未清晒，結過轉了兩輪、三輪都仲剩幾隻，靚姐三催四請後，最後都完滿清碟！鮑魚肉質當然爽嫩彈牙，而最精彩是墊底的豉油汁惕夠鮮美，可以來下飯呢！
原煲太爺雞，會長話此品索價二百，雖是冰鮮雞滷水雞，但由專人推來，排場十足又夠體面，雞又砌到靚靚仔仔，絕對有觀賞價值～雞都算安祥，但滷的功夫麻麻，亦沒有煙燻過，只能當浸雞吃，比較起會長挑的海鮮，這個吸引度麻麻。
會長細心解釋這裡的梅菜扣肉取帶甜惠州梅菜，與一層肥一層瘦的腩肉走油後同炆，汁鹹甜得宜，肥的部份吸收梅菜汁後豐腴美味，惜瘦的部份略為粗韌，一班高呼「膽固醇」萬歲之輩竟逐下，大圓檯轉了半圈後已告清碟！它的質感比不上得龍，卻比早前跌wat的客家好廚做得好，吃得過！
椒鹽瀨尿蝦，師傅已細心剪去「杉口」鬚爪位置，不油亦有薄薄椒鹽辛香，用來配啤酒一流！
會長推介菜，油炸鬼咕嚕肉，瘦肉連著微微脂肪，拍了層很薄的粉，炸得香脆，軟熟亦見微微油甘，輕盈美味，而汁甜酸適中，這種薄切做法，口感雖不如得龍用梅頭所帶爽嫩彈性，卻是另一番風味，同類做法做得出色的，可以試試農圃用豬面青的咕嚕肉。
蔥爆牛柳粒，大蔥爆得不夠香，牛柳粒醃得夠味，切得厚厚一粒，口感幾豐富的，但帶化學口感。
重頭作蒸海斑，肉質不會死腍的海魚，美味得連骨亦要啜掉！至於最精彩的非奄仔蟹及重皮蟹莫屬，先說奄仔蟹，十二人每人分到一隻，而且隻隻帶著相當的油膏！未完全發育的奄仔蟹肉質細嫩，鮮味亦比黃油蟹好，膏香叫人回味！是日清蒸非鹽焗，亦美味。
真要托會長的福，才能搜購到十二隻重皮蟹，無花價硬殼下連著軟殼，最美味當然是連著一點膏的軟皮位置啦，此品就算專登搵亦未必搵得到，是夜得嚐，絕對是大滿足！
跟食友細味一頓回味海鮮宴，價錢平到笑，席家已問定會長幾時搞多局呀～！
連加工及幾味小菜每人二二零，平到笑！
Post
