板神鉄板燒日本料理 (The Hennessy) (Closed)

見教主早前表現鐵板炒飯就好想食鐵板燒，今次去呢間有風景嘅餐廳，但天黑乜都睇唔到。叫咗個一人餐，頭盤好refreshing 個沙律新鮮。間餐廳值得一贊係好服務態度，因為朋友唔食魚生，佢換咗一隻帶子俾佢。我就食魚生。燒鮑魚，淨係食到牛油同black paper 味，唔係好食到鮑魚鮮味，魚就好juicy 好滑。因為我哋坐table 枱。唔係bar table, 隻蝦上枱係微暖，個真係好食，好香，好多蝦膏。落order 個waitress 亦好細心問我哋使唔使轉一份做厚燒牛，當然要加錢，咁我哋有轉，好juicy 但對我嚟講油，唔知係咪和牛。最後就係炒飯，湯，炒飯係香，但已經好飽。甜品係tiramisu，有少少太濕，不過佢唔係Italian餐廳，還可以啦。其實我哋坐table 都見到廚師表現，我哋食到差唔多十點，見個廚師同助手合作無間咁係咁燒，勁。