半山食堂

Open Now

Now Closed

朋友講笑話去唔熟地頭食晏，跟著地盤哥哥搵食就包無錯。今次去到般咸道，畢業🎓咗廿年有多，以往食開嘅都已經唔見晒。沿路行見到有班地盤哥哥係到等位，一於二仔底死跟。等咗一陣有位坐，但兩大兩細要求我哋分檯坐。繁忙時間無計啦、一句唔該照入座。入到去，你會發現好似去咗澳牛半山版，侍應比好大壓力你，埋到嚟十秒講唔出食咩，佢走會走咗去，怕受氣就真係要搵過第二間。叫咗嘢食後觀察四周，發現我哋已好彩。後來嘅五位地盤哥哥一行五人到，被分開坐三檯😅仲要分三張檯。幸好食物嚟到，發現真係唔差。炒滑蛋拍得住澳牛八成以上，沙爹牛肉麵肉入味又算夠淋身。時菜排骨河炒得好夠鑊氣，河粉亦唔會碎濕濕。另外杯奶菜同檸菜都好高質，絕對唔係普通貨色。