Green Waffle Diner (形點) (Closed)

同客食lunch, 因為客唔係好餓，所以決定同佢嚟食呢間GreenWaffle，一嚟坐得舒適，二嚟lunch包埋窩夫，加杯飲品都夠兩個女性食😆即時抵晒Lunch set 價錢由$68-88不等，係Yoho mall 嚟處呢個價都算親民，重送埋窩夫呢下真係抵嘅👍今日湯係甘筍湯幾好味，食得出忌廉同甘荀甜味，不過薑好似多咗少少。我叫咗肉眼扒煎蛋三文治伴蕃薯條，上枱賣相好靚，蕃薯條炸出嚟嘅顏色亦非常吸引❤️包皮煎過好香口，淨食個包都好味，牛扒ok；蕃薯條炸得岩岩好，香脆可口😋，唯一問題係，呢個漢堡包擺法食起上嚟好困難，蛋汁流到一枱都係，分返開切嚟食比較好。窩夫 估唔到有咁大件，粉漿調配得好好，甜味同脆度都好適中，作為午餐附送之甜品，夠晒誠意客人點嘅係High Flyer（芒果，紅莓汁加雲尼拿雪糕），幾好飲，酸甜度適中，都幾大杯，飲得出係真果汁，唔係化學調味料。