Video
Read full review
2018-05-09
1042 views
雖然米芝蓮係飲食指南，不過佢哋鬼佬嘛，講到香港菜，真係識條鐵咩。生抽皇黃秋生就唔同，雖則佢都係半個鬼佬，但最少係香港土生土長，佢話好食嘅，我信嫁。早排見到佢去屯門食海鮮食得咁開心，梗係跟，做唔成影帝都可以食影帝餐嘅﹗餐廳就酒樓格局，無咩特別，最多就係坐房同坐大廳有唔同收費。平時食飯就頭痕揀咩食，今次簡單，黃秋生食咩我食咩，唔夠飽就搵伙記推介，完全係思想殘廢餐。唯一要揀嘅，咪汽水定啤酒囉，畀我見到佢哋係玻璃樽版本，一定係飲汽水，啲氣「鋸」好多～影帝餐第一道係白酒忌廉煮花甲烏冬，花甲係啲肉係飽滿到貼邊而唔係空殼公司，抵食吖，同埋就算有忌廉汁係度都食得出隻花甲嘅清甜。作為好酒之人我當然希望白酒味再濃啲，不過食得出白酒嘅香味已經好夠。而忌廉就比平時食西餐嘅白酒忌廉黃身同多幾份甜味，量多但唔係水汪汪，就算攤凍咗入口都唔會好膩。烏冬本來無太大期望，又估唔到佢食落夠滑溜，口感唔會過鬆散或太結實，唔係我買開十蚊幾包果種純醫肚Cheap貨。泰皇芝心蝦丸就係成粒手榴彈咁嘅炸芝士蝦丸，香脆嘅麵包粒食落去無油膉味，裡頭包住嘅蝦丸亦彈牙唔係一口麵粉，而且仲有個一咬就爆嘅芝心，除咗要小心啲芝士係口裡面爆出嚟，仲要
餐廳就酒樓格局，無咩特別，最多就係坐房同坐大廳有唔同收費。平時食飯就頭痕揀咩食，今次簡單，黃秋生食咩我食咩，唔夠飽就搵伙記推介，完全係思想殘廢餐。唯一要揀嘅，咪汽水定啤酒囉，畀我見到佢哋係玻璃樽版本，一定係飲汽水，啲氣「鋸」好多～
影帝餐第一道係白酒忌廉煮花甲烏冬，花甲係啲肉係飽滿到貼邊而唔係空殼公司，抵食吖，同埋就算有忌廉汁係度都食得出隻花甲嘅清甜。作為好酒之人我當然希望白酒味再濃啲，不過食得出白酒嘅香味已經好夠。而忌廉就比平時食西餐嘅白酒忌廉黃身同多幾份甜味，量多但唔係水汪汪，就算攤凍咗入口都唔會好膩。烏冬本來無太大期望，又估唔到佢食落夠滑溜，口感唔會過鬆散或太結實，唔係我買開十蚊幾包果種純醫肚Cheap貨。
白酒忌廉煮花甲烏冬
36 views
0 likes
0 comments
泰皇芝心蝦丸就係成粒手榴彈咁嘅炸芝士蝦丸，香脆嘅麵包粒食落去無油膉味，裡頭包住嘅蝦丸亦彈牙唔係一口麵粉，而且仲有個一咬就爆嘅芝心，除咗要小心啲芝士係口裡面爆出嚟，仲要注意唔好畀滾熱辣嘅芝士顏射哦～
泰皇芝心蝦丸
23 views
0 likes
0 comments
泰皇芝心蝦丸
21 views
0 likes
0 comments
雖然佢係一碗蕃茄薯仔海鮮湯，但並唔係橙紅色，呢碗湯都應該係我人生中最貴嘅蕃茄薯仔湯喇，佢係用咗瀨尿蝦同沙白去煮，真係一聽就知佢鮮味。飲落就好老實，蕃茄味唔重，海鮮嘅鹹鮮味比較明顯，咁嚟得呢頭食飯海鮮先係主角嘛。飲完湯梗要食埋湯渣，可以見到十隻八隻瀨尿蝦隊落去煲，真材實料嫁﹗
蕃茄薯仔海鮮湯
19 views
0 likes
0 comments
薑蔥鮑魚煲聽個名好似晒咗隻鮑魚，不過佢地係用鮮鮑魚而唔係乾鮑，而鮮鮑味道其實幾淡，配薑蔥簡簡單單就相當好。呢個薑蔥鮑魚，爆香咗大量薑蔥蒜，再加埋強勁嘅鑊氣，淡味都升級成惹味。而且鮑魚夠大隻又夠嚼頭，真係唔會比乾鮑輸蝕。
薑蔥鮑魚煲
39 views
0 likes
0 comments
蒜茸粉絲蒸元貝雖然屋企有時都會整，不過屋村街市仔要又大又靚嘅元貝唔容易，既然呢度有大隻元貝，梗係唔可以錯過。個元貝殼大過我隻手，肉就有掌心咁大，咁大粒元貝真係可以話係肚滿腸肥，食落啖啖肉又唔會黐殼，加埋蒜香粉絲真係無敵組合。
蒜茸粉絲蒸元貝
16 views
0 likes
0 comments
呢度嘅招牌菜焗芝士龍蝦呢個無理由唔食啦，我要了解吓咩叫做有芝士香無芝士臭嘅芝士。睇報導話用咗三種芝士，小弟不才唔會食唔到係邊三隻，不過有芝士無拉絲，應該都無水牛芝士。首先由個頭開始食，啲芝士味確實香濃，同埋食落去面頭微脆裡面就似蛋糕咁軟熟，幾有趣而且我鍾意。焗過嘅龍蝦肉並無焗過龍，口感唔韌而且有肉汁，扯起成舊龍蝦肉然後好似雞髀咁一啖咬落去，真係好爽。食完終於明咩叫有香無臭嘅芝士，應該係指佢無芝士果種奶膻味－－雖則本人係連羊奶羶都唔怕。
焗芝士龍蝦
16 views
0 likes
0 comments
雖然食咗好多海鮮，但係見秋生哥食過鹽油焗奄仔蟹，一場嚟到唔嗌又好似可惜咗啲。望住啲蟹黃漏出嚟咁款，梗係一啖啜落去阿黃度。阿黃同大閘蟹黃其實幾相似，味道一樣都係鹹中帶甜。呢隻奄仔蟹嘅蟹肉明顯比大閘蟹肉厚紥實，唔似大閘蟹食完個黃就無肉食，同埋唔使等咩九圓十尖一年一造咁悽涼，幾時都有得食。
鹽油焗奄仔蟹
14 views
0 likes
0 comments
食海鮮，最緊要食得夠鮮，有咩鮮得過係海邊食先？再加埋有影帝加持，個朵夠響嘢食夠鮮，值得食啦。
Post
