珍一料理 (富榮大廈) (Closed)

相信大家都知道荃灣嘅路德圍真係有好多唔同嘅小食👍🏻至於我自己亦都以前細個嘅時候成日都喺荃灣食嘢，不過自從搬咗出去住之後都好少會喺荃灣啦！今日難得返去同屋企人食飯，喺食飯之前就梗係要去路德圍掃下街😎去返以前細個嘅風味啦！見到一間好新開嘅餐廳叫做珍一料理❤️❤️就咁一見到就已經好期待！呢間餐廳嘅款式好多，而且全部都感覺上好乾淨！同埋擺切得好整齊，所以我哋都可以好清晰咁揀到自己想食嘅嘢！今次我就揀咗一份自己冇食過嘅香麻牛蹄筯！呢個真係好特別，食落去嘅時候口感好有啫喱嘅感覺，但係又有充滿牛肉嘅香味！而且重點嘅係加埋呢度嘅特色川辣嘅味道！令到食落去成個口感同埋味道都好豐富！個人來講自己都幾喜歡，值得推介👍🏻