EaT燒肉

Open Now

Now Closed

今日去咗一間現代感十足嘅日式燒肉店，感覺好似入咗多啦A夢嘅時光隧道😂一入去就聞到香噴噴嘅燒肉味。我首先試咗 Prime grade牛五花同 牛小排，佢哋嘅肉質真係好嫩滑，燒到啱啱好，油花分佈均勻，咬落去口感一流。搭配埋套餐入面嘅沙律、和風湯同埋和風紫菜溫泉蛋飯，簡直係完美。特別係嗰個溫泉蛋，蛋黃流心，真係好好食！之後又試咗 宮崎A5和牛肩胛腋板，呢個真係必食！肉質細膩，油脂豐富，燒落去香氣四溢。佢哋嘅 鹿兒島豚肩肉同 西班牙豬五花都同值得試吓，豚肉味道濃郁，咬落去有啲彈性，口感非常好。至於西班牙豬五花就更加唔使講，油脂同肉質嘅比例完美，真係食到停唔到口。富士蘋果地雞肉，雞肉鮮嫩，香氣十足，腌製入味。搭配燒肉一齊食更添風味。再加埋一碗 水冷麵，清爽又滑口，啱啱好可以平衡燒肉嘅油膩感。最後，飲品方面我選擇咗 梅酒同 粒粒桃汁。梅酒有種微酸嘅味道，非常開胃，而桃汁就好甜美，口感清新，真係一個好嘅配搭。