路邊煱 (Closed)

在偏遠的土瓜灣寧靜的街之一角，大型小型貨車私家車停泊咪錶路旁，遮掩住正門但又見燈火通明，就是路邊煱之所在，若非有識途老馬的酒肉朋友，真是不懂走到這裡來！想像不到，原來有不少生猛海鮮小炒火鍋食品。廚師推薦有特價象拔蚌有肉蟹，剛好合我胃口，象拔蚌生食鮮甜爽口甘香，醮啲wasabi食得刺激，灼熟食又另有一番風味，吸收咗火鍋湯料變得滋味。圓圓肥胖的象拔蚌膽亦唔好放過，但要灼耐啲先得得，熟咗之後口感係皮爽內𥚃豐富。原來今日無肉蟹只有膏蟹，油脂豐富咗適合配個清啲湯底，就揀招牌雜菌花甲煲啦！個湯鍋真係好味到不得了，粟米的甜，加上花甲膏蟹啲鮮，正呀！  有好多菇菌仲好香甜，見圖膏蟹啲膏又厚又多，大家夠分唔駛爭！其他配料都一樣出色，新鮮靚肉啲肥牛多多都食得起，手打四寶丸囗感係唔同，鯪魚豆卜魚肉香無骨。心水貼士，原來加啲啲爺爺菜脯皇係啲湯裡面，可以釣一釣味，更加濃香，不妨試試！地點就係遠咗啲，但絕對值得。