小茶堂 (Closed)

今晚打完邊爐，有人竟然仲話好渴要去飲番杯珍珠奶茶，咁夜去邊度搵呢🙄🤔。問Google大神，附近好似得番一間連鎖店開到十二點，於是唯有去啦，點知途經見到呢間小茶堂仲未關門，而且姨甥話佢識應該唔錯，所以就要買喎😒。我飽到上心口，所以投降，佢就點左近期大熱嘅黑糖珍珠奶茶。其實我見佢menu有齊坊間流行嘅奶蓋茶、黑糖奶茶、小山園抹茶奶茶等等，仲有較少見嘅紫薯鮮奶，集百家大成！姨甥試完大叫，嘩同🐯差唔多咁好飲喎(佢明知我愛🐯😒), 而且覺得啲珍珠比嗰間更Q彈啲添，真的！？我即刻試一啖，嗯，好味程度又真係幾接近喎，可能因為剛才姨甥錯手叫左少甜，錯有錯著，甜味冇蓋過奶茶香味，我覺得如果全甜就會飲唔到茶味喇！加上我地經過時佢已經差唔多收工，所以冇人排隊唔使等到身水身汗，所以杯奶茶又再加多兩分咁囉😁😋。